Four Season o Sipo egg

Ang Sipo Egg o kung tawagin ng iba ay Four Season ay isang tanyag na ulam ng mga Kapampangan. Ito'y mailalarawan bilang ulam na may pinaghalong mais, singkamas, green peas, karots, at itlog ng pugo na nilagyan ng malapot at makremang sabaw. Karaniwang makikitang inihahain ito sa mga piyestahan o sa ibang espesyal na okasyon. Masarap itong kainin lalo na kung ipapares sa mainit na kanin.

Mga Kagamitan sa Pagluluto ng Four Season / Sipo Egg:

•  Kaserola

• Dito ilalaga ang itlog ng pugo.

• Kutsilyo at sangkalan

• gagamiting panghiwa sa mga sangkap na lulutuin

• 
  

• Sandok

• gagamiting panggisa at panghalo sa pagluluto

• 
  

• Kawali

• dito lulutuin ang putaheng four season o sepon egg.

• 
  

•  Mga mangkok o plato

•  gagamiting lalagyan ng hiniwang sangkap 

• lalagyan na rin na mailulutong Sipo Egg

Mga Sangkap sa Pagluluto ng Four Season / Sipo Egg:

• (18)Labing walong piraso ng nilagang itlog ng pugo

• (3) tatlong kutsarang mantikilya

• (1) 1 tasang ham o luncheon meat (hiniwa sa maliliit na kwadrado)

• (1) isang sibuyas (hiniwa-hiwa)

• (2) dalawang butil ng bawang (tinadtad)

• (2) dalawang malaking karots (hiniwa sa maliliit na kwadrado)

• (1) isang malaking singkamas (hiniwa sa maliit na kwadrado)

• (1/2) kalahating tasa ng tubig

• (1) isang tasang hinimay na mais

• (1) isang tasang green peas

• 250ml ng all-purpose cream

• 150ml ng gatas na evaporada

• Asin at paminta para sa pampalasa

Mga maaring idagdag na sahog:

•  -mushrooms 

•  -hipon

Mga Hakbang sa Pagluluto ng Four Season / Sipo Egg

1. Sa pinainit na kawali, tunawin ang tatlong kutsarang mantikilya pagkatapos ay igisa ang tinadtad na bawang at hiniwang sibuyas hanggang sa umamoy ang aroma ng bawang at maging malambot ang sibuyas.

2. Kasunod na ilagay ang hiniwang ham o luncheon meat, haluin sa loob ng isang (1) minuto.

3. Pagkatapos ay sunod na ilagay ang hiniwang singkamas at haluin muli nang isang minuto.

4. Pagkalipas ng isang minuto ay ilagay ang kalahating tasa ng tubig at haluin at pakuluin sa mahinang apoy nang (3) tatlong minuto hanggang sa lumambot ang singkamas.

5. Pagkatapos nang tatlong minuto ay sabay na ilagay ang karots, green peas, at ang mais saka ito haluin.

6. Budburan ng kaunting paminta at isang kutsaritang asin, muli itong haluin sa loob ng isang minuto.

7. Sunod na ilagay ang evaporada at ang all-purpose cream. Haluin itong muli.

8. Pagkatapos haluin ay ilagay ang (1) isang knorr pork cubes,itoy tunawin at pakuluin sa mahinang apoy nang (3) tatlong minuto o hanggang sa maging malapot ang sabaw.

9. Panghuli, ilagay ang nilagang itlog ng pugo at saka haluin ng isang minuto.

10. Sa wakas, maaari ng ihain ang nilutong sepo egg o kung tawagin ay four season.