Lengua

 

Sa putaheng ito'y tiyak na kakabahan ang mga chismosa mong kapitbahay. Ang putaheng ito ay Hispanic mula sa Lengua Estofada. Pinagtibay ito ng ng mga Pinoy dahil sa tatlong siglo ng kolonisasyon ng mga Espanyol. Madalas itong tinatawag na “exotic" o kakaiba dahil sino nga naman ba ang gugustuhing kumain ng dila mula sa baka. Ngunit kung matitikman ito ay talaga nga namang hindi mo aakalain kung anong parte ito ng baka. Ang karneng ito ay malambot at siksik sa lasa at linamnam kaya naman isa ito sa mga hinahanap sa mga pagdiriwang ng mga okasyon.

Kagamitang Kagamitan sa Pagluluto ng Lengua:

• Kutsilyo at sangkalan

•  pag hiwa ng mga sangkap.

• Kaserola

• Para sa pagpapakuluan ng karne.

• Kawali

• Para sa paggigisa o pinaka proseso ng pagluluto.

• Sandok

• Para sa paghalo ng mga sangkap at pagsalok dito.

• Platito at mangko

• para sa indibidwal na lalagyanan ng mga nahiwang sangkap.

• Malaking plato

• Para sa paghahain ng nalutong putahe.

Sangkap sa pagluluto ng Lengua:

• tatlong (3) libra ng dila ng baka

• Isang (1) piraso Knorr Beef Cube 

• labinlimang (15) onsa ng whole kernel corn

• sampung (10) onsa ng condensed mushroom cream

• pitong (7) onsa ng all purpose cream

• isang (1) piraso sibuyas (tinadtad)

• pitong (7) ulo ng bawang (tinadtad)

• tatlong (3) kutsarang mantikilya

• isa’t kalahating (1 ½) tasa ng tubig

• tuyong dahon ng laurel 

• asin at paminta ayon sa panlasa.

Mga Hakbang sa Pagluluto ng Lengua:

1. Bago ang lahat, Siguraduhing linisin ng mabuti ang karne o dila ng baka. Pakuluan ito sa tubig sa loob ng apatnapu’t limang (45) minuto kasama ang asin, paminta at tuyong dahon ng laurel na magbibigay ng lasa at mabangong amoy nito. 

2. Una, ilagay ang mantikilya sa mainit na kawali at isabay ang tinadtad na bawang habang ito'y natutunaw upang sa gayon ay hindi masusunog ang mantikilya.

3. Pangalawa, ilagay ang tinadtad na sibuyas at ituloy ang paggigisa hanggang sa ito'y maluto at lumambot.

4. Pangatlo, ilagay sa katamtamang init ang kawali at isama sa paggisa ang hiniwang lengua o dila ng baka, haluin ito nang haluin upang maging pantay ang pagkakaluto.

5. Pagkatapos maggisa, ilagay ang isa’t kalahating (1 1/2 )baso ng tubig. Sandali itong haluin. Takpan ang kaserola at hayaang kumulo.

6. Kapag kumulo na ay ilagay ang knorr beef cube para sa pampalasa nito.Haluin hanggang sa matunaw ang cube.

7. Timplahan mo na rin ito ng paminta at asin para sa pampadagdag na lasa nito.

8. Sunod na Ilagay ang labinlimang (15) onsa ng hinimay na mais. Takpan at pakuluin ito muli sa loob ng dalawampung (20) minutos. Sa paraang ito ay mas kakapit ang mga sangkap na nilagay natin sa karne.

9. Pagkatapos ng dalawampung (20) minuto ay ilagay na ang condensed mushroom cream at ang all purpose cream, haluin itong mabuti. Ang mga sangkap na ito ang magbibigay ng magatas at malapot na lasa dito.

10. Timplahan ito gamit ang paminta at asin.

11. Panghuli, hinaan ang apoy at hayaan itong tuluyang maluto sa loob ng sampung (10) minuto.

12. Sa wakas ay ilagay na ito sa serving plate na may kasamang pagmamahal dahil handang handa na itong ihain sa hapagkainan upang pagsaluhan ng buong pamilya at ng lahat ng inimbeta.