Kalderetang Manok


Ang kalderetang manok ay isang uri ng maanghang na putaheng Pilipino na nilalagyan ng karne ng manok o maaari ding gumamit ng kambing, baka, at baboy. Ito ay isang lutuin sa Pilipinas na kilala sa mga handaan sa pistahan. Ang mapulang kulay nito ay dulot ng tomato sauce. Ang kalderetang manok ay may malapot at malinamnam na sarsa dahil sa keso at liver spread. Ang putaheng ito ay hitik sa sangkap at ang sarsa naman ay madaling bumalot sa kanin kaya laksa-laksa ang kaya nitong mabusog. Bilang karagdagan, ang kaldereta ay mula sa salitang Espanyol na caldera na nangangahulugang “kaldero”. 


    Mga Kagamitan sa Pagluluto ng Kalderetang Manok:

    • Kutsilyo

      • panghiwa ng mga sangkap.

    • Sangkalan 

      • dito hiwain ang mga sangkap.

    • Kawali

      • ito ang lulutuan ng kalderetang manok.

    • Sandok

      • gagamiting pang-gisa, panghalo at pangkuha ng ulam mula sa lutuan.

    • Abrilata (can opener)

      • gagamiting pambukas ng mga delatang sangkap katulad ng liver spread.

    • Pang-gadgad

      • gagamiting pang-gadgad ng keso.

    • Pinggan o kahit anong lalagyan

      • dito ilalagay ang mga hiniwang sangkap at ang nalutong kalderetang manok. 


       Mga Sangkap sa Pagluluto ng Kalderetang Manok:

    • tatlong (3) kilong manok

    • isang (1) ulong bawang

    • dalawang (2) pirasong sibuyas

    • 5oo gramo ng tomato sauce

    • 260 gramo ng liver spread

    • tatlong (3) pirasong patatas

    • dalawang (2) pirasong karot

    • dalawang (2) pirasong bell pepper

    • isang (1) box ng eden cheese

    • isang (1) sachet ng msg (vetsin)

    • isang (1) sachet ng magic sarap

    • limang (5) pirasong siling labuyo (depende sa kung gaano kaanghang ang gusto mo)

    • isang (1) kutsaritang paminta 

    • dalawang (2) kutsarang patis (depende sa panlasa)

    • asin (depende sa panlasa)

    • tatlong (3) kutsarang mantika 

    • ⅓ tasa ng suka 

    • isang (1) tasang tubig 



    Mga Hakbang sa Pagluluto ng Kalderetang Manok:

    1. Una, hiwain muna ang sibuyas, bawang, at sili at saka hiwain naman ng pang serving size ang karot, patatas, bell pepper, at ang manok.

    2. Ikalawa, sa isang kawali mag-init ng mantika at iprito ang patatas at karot hanggang sa maluto. Isantabi muna.

    3. Ikatlo, gamitin muli ang kawali at mag-gisa naman ng bawang at sibuyas hanggang ito ay bumango.

    4. Sunod, idagdag ang manok at halu-haluin kasama ng ginisang bawang at sibuyas. Hayaan itong maluto nang bahagya sa loob ng limang (5) minuto.

    5. Pagkatapos, idagdag naman ang suka, bell pepper, at tomato sauce. Pakuluin ito gamit ang katamtamang apoy.

    6. Sumunod, magdagdag ng isang tasang tubig at haluin mabuti. Hayaan itong kumulo hanggang sa maluto ang manok sa loob ng tatlumpung (30) minuto gamit ang pinakamababang apoy.

    7. Pagkatapos, ilagay na ang liver spread para lumapot ang sabaw.

    8. At idagdag naman ang patatas at karot. Haluin at hayaan itong kumulo sa mahinang apoy ng limang(5) minuto hanggang sa maluto ang patatas at karot.

    9. Panghuli, timplahan ng patis, paminta, asin, vetsin, magic sarap at maglagay ng siling labuyo at pakuluin ulit sa loob ng limang (5) minuto. Pagkatapos idagdag  na ang ginadgad na keso.

    10. Sa wakas, maaari ng ihain o pagsalu-saluhan ang nilutong kalderetang manok.  

    Mga Komento

    Mag-post ng isang Komento

    Kilalang Mga Post